സംവിധായകന്‍ മേജര്‍ രവിയുടെ പല പരാമര്‍ശങ്ങളും പലപ്പോഴും വിവാദങ്ങള്‍ക്ക് കാരണമാകാറുണ്ട്. ഇപ്പോഴിതാ അദ്ദേഹത്തിന്റെ പുതിയ വെളിപ്പെടുത്തല്‍ വിമര്‍ശനങ്ങളേറ്റു വാങ്ങുകയാണ്. ദേശീയഗാനം കേട്ട് എഴുന്നേല്‍ക്കാത്തതിന് ഒരാളെ തല്ലിയെന്നാണ് മേജര്‍ പറയുന്നത്.
ഭാര്യയ്‌ക്കൊപ്പം തിയേറ്ററിലിരുന്ന് സിനിമ കാണുന്നതിനിടയിലാണ് ഒരാളെ ശാരീരികമായി കയ്യേറ്റം ചെയ്തതെന്ന് മേജര്‍ രവി പറയുന്നു. സിനിമയുടെ അവസാന ഭാഗത്ത് ദേശീയഗാനം ആലപിക്കുന്നുണ്ട്. തിയറ്ററിലിരുന്നവര്‍ ദേശീയ ഗാനം കേട്ട് എഴുന്നേറ്റപ്പോള്‍, ഒരാള്‍ എഴുന്നേറ്റില്ലെന്നും ഇയാളെ താന്‍ ശാരീരികമായി കൈകാര്യം ചെയ്തുവെന്നും മേജര്‍ രവി വെളിപ്പെടുത്തി. അമൃത ടി.വിയില്‍ സംപ്രേക്ഷണം ചെയ്യുന്ന 'ആനീസ് കിച്ചണ്‍' എന്ന പരിപാടിക്കിടെയാണ് സംവിധായകന്റെ തുറന്നുപറച്ചില്‍.
മേജര്‍ രവിയുടെ വാക്കുകള്‍:നാല് അഞ്ച് മാസം മുന്‍പ് ഒരു ഹിന്ദി പടം വന്നു. എന്റെ ഭാര്യയും സിനിമ കാണാന്‍ വന്നിരുന്നു. സിനിമയുടെ അവസാനം ജനഗണമന ഉണ്ടായിരുന്നു. എല്ലാവരും എഴുന്നേറ്റു. അതില്‍ ആദ്യമേ കാണിക്കുന്നുണ്ട് സിനിമയുടെ ഭാഗമായാണ് ജനഗണമന എന്നും ദയവായി എഴുന്നേല്‍ക്കൂ എന്നും. ഹിന്ദിയിലും ഇംഗ്ലീഷിലും എഴുതിയിട്ടുണ്ട്. എന്റെ മുന്‍പില്‍ ഇരിക്കുന്ന ഒരു തടിയന്‍, ഒന്നാമത് എനിക്ക് ഈ ശരീരം പരിപാലിക്കാത്തവരെ കണ്ട് കഴിഞ്ഞാല്‍ ഭയങ്കര പ്രശ്‌നമാണ്.
ഇവര്‍ ഭാര്യയും ഭര്‍ത്താവും കഴിക്കുന്ന പോപ്‌കോണ്‍ സിനിമയുടെ അവസാനമായിട്ടും കഴിഞ്ഞിട്ടില്ല. അപ്പോള്‍ മനസ്സിലായല്ലോ എന്തുകൊണ്ടാണ് ഈ തടി ഇങ്ങനെയിരിക്കുന്നത് എന്ന്. ഇവനും ഭാര്യയും എഴുന്നേല്‍ക്കുന്നില്ല. ഈ 53 സെക്കന്റ് ഒന്നും ചെയ്യാന്‍ പാടില്ല. ഞാന്‍ അങ്ങനെ വെയ്റ്റ് ചെയ്തു. ഇത് കഴിഞ്ഞപ്പോള്‍ സീറ്റിന്റെ മുകളിലേക്ക് ഒറ്റ ചവിട്ട് അങ്ങ് വെച്ച് കൊടുത്തു. അപ്പോള്‍ അവന്‍ എഴുന്നേറ്റു. അടിക്കാനുള്ള സ്‌പേസ് വേണമല്ലോ, അതുകൊണ്ട് പുറത്തേക്ക് പോയി.
ഞാന്‍ ഹിന്ദിയില്‍ അങ്ങ് തുടങ്ങി. നിന്റെ ബംസിന് ഇത്ര വെയ്റ്റ് ഉണ്ടോടാ ഇത് കേള്‍ക്കുമ്പോള്‍ നിനക്ക് എഴുന്നേല്‍ക്കാന്‍ എന്താണ് ബുദ്ധിമുട്ട്. അതില്‍ പിക്ച്ചറില്‍ അല്ലേ എന്ന് അവന്‍ ചോദിച്ചു. പിക്ച്ചറില്‍ അല്ല നിന്റെ സ്വപ്നത്തില്‍ കേട്ടാല്‍ പോലും എഴുന്നേല്‍ക്കണം എന്നും പറഞ്ഞു കൊടുത്തു ഒരെണ്ണം
Facebook
Twitter
